Hafan / Home page Cyflwyniad Newyddion  Digwyddiadau diweddar		Helpu'r ymddiriedolaeth Dod yn aelod Ymuno â'n rhestr bostio Cysylltu â ni		Hostel Dolgoch Hostel Ty'n Cornel Blaencaron Yr Elenydd		Aros mewn hostel Cerdded a beicio Mapiau Cysylltiadau
Dolgoch achubwyd!

Blaencaron   Ar gau am byth ers Hydref 2006, hostel ieuenctid elfennol, traddodiadol

Yn wreiddiol adeiladwyd Blaencaron fel ysgol yn 1883 ar gyfer plant ardal Cwm Croes. Chwe phlentyn oedd yn yr ysgol yn 1932 ac felly cauwyd hi ac aeth y plant i ysgol Tregaron. Sant oedd Caron ac enwyd y dref, yr eglwys, y gors a Blaencaron ar ei ôl. Yn 1950 cafodd yr adeilad ei droi yn hostel ieuenctid a death grwp o ieuenctid draw o'r Almaen yn 1952 i helpu gyda atgyweirio'r adeilad fel rhan o atgyfnerthu'r berthynas rhwng y gwledydd ar ôl yr Ail Ryfel Byd. Bu Mrs Cassie Jones, Glanyrafon Isaf, yr warden ar yr hostel am 35 o flynyddoedd, hyd nes iddi ymddeol yn 2005. Croesawodd ymwelwyr o bob rhan o'r byd, nifer o Ganada yr Amerig ac Awstralia. Mae'r hostel wedi ei lleoli wrth droed y bryniau, dair milltir o Dregaron, lle ceir nifer o siopau, tafarndai, lleoedd bwyta, banciau, swyddfa bost yn ogystal a chanolfan y Barcud.

Mae Blaencaron mewn lleoliad bendigedig, wrth droed bryniau diarffordd Yr Elenydd a 15 milltir o arfordir naturiol Bae Ceredigion. Bydd cerddwyr sy'n ysu i ymgolli mewn gwlad naturiol wrth eu bodd yma; mae gwylio adar yn arbennig o dda, mae hen ddigon o lwybrau i feiciau mynydd a hefyd mae digonedd o lwybrau cerdded. Tipyn o bopeth i bawb. Mae Gwarchodfa Natur Cenedlaethol Cors Caron, Abaty Ystad Fflur a lein fach Pontarfynach gyda'r rhaeadrau i gyd o fewn cyrraedd.

'Caron' oedd y sant a roddodd ei enw i eglwys a thref Tregaron a'r gors fawr gerllaw. Ystyr Blaencaron yw ffin yr ardal, yr ardal uwchben y dref.

Oriel Lluniau

Cliciwch ar lun i'w weld yn agosach...

Sylwadau o'r llyfr ymwelwyr

• Hostel bach ffantastig. Ymweld â hostel fel hyn yw hostela go iawn. Ar ben ein digon yma.
• Mae'n gysur gallu cerdded mewn wedi diwrnod caled o gerdded a ffeindio popeth chi eisiau. Bendigedig.
• Lle tawel, arddechog gyda croeso cynnes.
• Dyma'n ail dro i yma, yn cadarnahau pa mor werthfawr yw'r ychydig o hosteli bach sy ar ôl gydag hud fel yr unman arall.
• Dyma'r lle i fod! Digon o heddwch - a defaid!
• Anodd gadael darn bach o baradwys. Fe ddychwelwn.

Manylion

	Mapiau OS:	Landranger 146 Explorer 187 a 199		(1:50,000) (1:25,000)
	Cyfeirnod grid:	SN 713 608
	Trafnidiaeth gyhoeddus:	Tren   Bws	Aberystwyth  (32 km / 20 mllt)   Pontarfynach  (27 km / 17 mllt)   Tregaron  (5 km / 3 mllt)
	Siop agosaf:	Tregaron	5 km / 3 mllt
	Hosteli agosaf:	Dolgoch   Ty'n Cornel	20 km / 12 mllt (ffordd) 15 km / 9 mllt  (llwybr) 23 km / 14 mllt (ffordd) 13 km / 8 mllt  (llwybr)
	G+B agosaf:	Tregaron	5 km / 3 mllt

Mae Blaencaron ar hyd lôn gefngwlad, 5 km / 3 milltir i' gogledd ddwyrain o Dregaron.

Troion o Blaencaron

Mae Martin Hanks wedi cynhyrchu cyfres o fapiau darluniedig yn dangos troion yn y bryniau a gwmpas hosteli Elenydd. Gweler ein tudalennau Cerdded a beicio.

Atgofion Blaencaron

• Agor yr Hostel   (erthygl o bapur newydd o'r 1950'au cynnar)
• Wardeinio Gwirfoddol fel ag yr oedd   (atgofion Derek Edwards, warden Blaencaron, 1954)

(h)  Ymddiriedolaeth Hosteli Unigeddau'r Elenydd, 2007